НОВИ САД – НВУ „Руске слово” тих дньох обявело два нови збирки поезиї – „Осце и черешнї” Агнети Бучко Папгаргаї и „Слово Бояна двокраяна” Владимира Бесерминя.
Агнети Бучко Папгаргаї (1951, Миклошевци) то седма кнїжка по шоре, у хторей сто писнї поскладани до дзешец окремних циклусох творя компактну поетску креацию. До тераз обявела шейсц кнїжки поезиї и єдну сказкох.
Владимирови Бесерминьови (1946, Шид – 2014, Руски Керестур) то шеста кнїжка, а до тераз му обявни штири кнїжки поезиї, єдна критикох и єдна кнїжка автобиоґрафскей прози.
Спомнути нови кнїжки мож купиц у НВУ „Руске слово” у Новим Садзе, його Дописовательстве у Руским Керестуре, та при заступнїкох „Руского” у наших местох, по 300 динари.