ШИД – На швето Святей Петки, 27. октобра, Општински одбор Сербскей напредней странки преславел славу странки пошвецену тей защитнїци.
У церкви Святого Миколая служена литурґия зоз пошвецаньом славского колача, а потим у просторийох странки отримани коктел за членох, симпатизерох и прихильнїкох странки.
Зоран Семенович, поверенїк ОО СНС, винчуюци швето поручел же ше општина Шид вше баржей инфраструктурно и економски розвива и же за наиходзаци виберанки 2020. року нє буду виявйовани обецунки, алє указани резултати того цо поробене.
