БЕОҐРАД – Скупштински Одбор за образованє, науку, технолоґийни розвой и информатичне дружтво прилапело дополнєнє Закона о буджету за 2015. рок, хторе предвидзує виплацованє по 6 000 динари єднократней помоци просвитним роботнїком. О тим ше нєшка вияшня и посланїки у Скупштини Сербиї.
На вчерайшей схадзки Одбору за образованє поведзене же єднократна помоц будзе виплацена концом новембра, лєбо початком децембра. Роби ше о коло 110 000 занятих, за цо зоз буджету опредзелєни 1,1 милиярди динари.
Представителє просвитних синдикатох оценєли же 6 000 динари барз мали пенєж, а окреме же є далєко од суми хтору вимагали.