КОЦУР – Нєшка, на Вельку стреду у Страсним тижню пред Вельку ноцу у коцурскей грекокатолїцкей церкви на 19 годзин будзе Служба Божа, а на ютре, на Вельки штварток Вечурня зоз Службу Божу Василия Велького, тиж на 19 годзин.
На Вельки пияток будзе строги пост, а служби почню з Утриню на 7 годзин. На 15 г. будзе Вечурня з Исусовим хованьом и викладаньом плащанїци, а на 19 г. Дзевятнїца до Божого милосердия. На 20 г. у коцурескей церкви будзе Єрусалимска утриня, плач Мацери Божей.
Велька собота будзе дзень цихей молитви. Вельконоцне Всеночне, та Вечурня и Служба Божа Василия Велького, з обходом коло церкви и Воскресну утриню, почню на 21 годзин.