ВЕРБАС – Вчера у Вербаше отримана схадзка локалного парламенту, хтора з найвекшей часци була пошвецена роздвовйованю Явного комуналного подприємства „Стандард” на два подприємства.
Одборнїки розпатрали предлоги одлукох о пременки сновательного акту ЯКП „Стандард”, о вименкох и дополнєньох Одлуки о снованю ЯКП „Комуналац” и предкладанє Ришеня о даваню согласносци на Статут ЯКП „Комуналац”.
Попри тим, понеже Иґор Шкундрич задзековал на функцию о.д. директора „Стандарду”, на тоту функцию меновани Драґан Михайлович.
Шицки седем точки дньового шору прилапени швидко, та схадзка тирвала нєполну годзину, а вязано за новоосноване ЯКП „Комуналац” и гашенє ЯП за информованє „Вербас”, локални парламент того лєта вироятно будзе зашедац ище два раз.
