”Стандард” ма цистерни за воду

автор апм
1.3k Опатрене

ВЕРБАС – Явне комуналне подприємство (ЯКП) ”Стандард” з Вербасу набавело два цистерни, три пумпи за студнї и седем пумпи за фекални станїци. Вредносц инвестициї 3 милиони 300 000 динари, а нова опрема виплацена су з власних средствох ЯКП.

Як гварел предсидатель Општини Вербас др Братислав Кажич, то стратеґийно барз значна ствар за вербаску Општину, бо город дотераз нє мал цистерни за воду за пице, док о.д. директора ЯКП Радомир Чурович визначел же ше после купованя тих цистернох Вербас вецей нє муши обавац од позарядових ситуацийох. Здогаднул же у Вербаше и реґионални шпиталь, та и прето, цистерни нєобходни за нєпредвидзени ситуациї.

Кед слово о пумпох, вони буду нєпреривно робиц по найсучашнєйшей технолоґиї, хтора доприноши велькому енерґетскому шпорованю.

Як гварел Чурович, понеже злєпшане наплацованє комуналних услугох, ЯКП пенєж такой уложело до набавяня спомнутей опреми.

ПОВЯЗАНИ ТЕКСТИ