Мирко Беркеш зоз Шиду, познати як уметнїк хтори вирабя миниятурни ладї. Гоч виробел вецей дзешатки ладьочки, з древом прикрашує и други предмети. Нєдавно бул на спокуси кед єден чловек зоз Шиду, а хтори хвильково жиє и роби у Австриї, пожадал обновиц стари фиякер.
Мирко нє роздумовал вельо и лапел ше до роботи. Вєдно зоз сином Зораном робели скоро цали мешац. Пременєли древени и скоряни часци, як цо шедзиско и закрице над шедзиском.
– Требало перше достац слику як фиякер ориґинално випатрал и вец ше дац до роботи. Требало вельо часу и сцерпеня же би шицко випатрало як 1900 року. На концу зме, син и я, шицко поробели так як требало, на радосц власнїка Раденка Пантича – гвари Мирко Беркеш.