КОЦУР – Богослуженя у грекокатолїцкей церкви у Коцуре у Страсним тижню по юлиянским календаре почали стреду з Вечурню, на Желєни штварток на 19 годзин тиж служена Вечурня, а нєшка, на Вельки пияток, хованє Исуса Христа будзе на 15 годзин. На 19 г. почина дзевятнїца до Божого милосердия, а на 20 годзин Єрусалимска утриня.
Велька собота будзе дзень цихей молитви и нащиви Божого гробу у церкви. На 21 годзин будзе Вельконоцне всеночне, Вечурня зоз Службу Божу, обход коло церкви и Воскресна утриня.
На Вельку ноц, на нєдзелю, на 8 г. будзе Дзецинска служба Божа, а пошвецанє паскох у порти по Велькей Служби, хтора на 10 годзин. На 16 г. будзе Вечурня, а после нєй такой почнє Майова служба.
На Шветли пондзелок на 7 годзин будзе Воскресна утриня, а служби буду и на 8, 10 и на 19,30 годзин. У Вечаршей будзе и мированє, як и у шицких службох на Треци дзень Велькей ноци, чий розпорядок исти як и дзень пред тим.