СУБОТИЦА/РУСКИ КЕРЕСТУР – Млади каратисти керестурского Русину вчера на Интернационалним ЕНПИ купу у Суботици освоєли два стриберни медалї – Сара Планчак у поєдинєчних борбох у абсолутней катеґориї и як екипа у борбох у конкуренциї „надїйох”. Попри спомнутей Планчаковей, екипу творели и Марина Надь, Анамария Няради и Мартина Рац.
На Интернационалним купу у Суботици змагали ше и Андрей Дудаш у борбох и Марина Надь у катох, а Вероника Юрич з Керестура на Купу у Суботици на цалим турниру була єдна зоз судийох у ринґу.
На ЕНПИ купу у Суботици участвовали прейґ 1 500 каратисти шицких возростох и 200 екипи з 13 дежавох, а змаганя судзели 50 судийове.
Керестурских каратистох за змаганє пририхтали тренере Михал Орос и Иван Папуґа.