НОВИ САД – Покраїнски секретар за польопривреду, водопривреду и лєсарство Бранислав Боґарошки вчера додзелєл 59 контракти за инвестициї, односно набавку опреми за мали прерабяцки капацитети, вредносци 43 милиони динари.
Реґистровани польопривредни ґаздовства достали средства за набавку хладзальньох, сушарньох, опреми за пририхтованє, умиванє, полированє, чисценє, сортированє и пакованє овоци, грозна и желєняви, за преробок олєйових рошлїнох и опреми за пчоларство.
– Барз вельке интересованє за тот конкурс. Поєдинєчно найвекша сума наменєна за хладзальнї – 34 милиони динари, три милиони за опрему за сушенє рошлїнох и пейц милиони за пчоларох – гварел Боґарошки и нагаднул же можебуц таки конкурс будзе розписани и у другей половки рока.