ШИД – У ЯП „Радио Шид” тераз тирва вияшньованє о социялней програми, хтору держава понука за занятих у медийох хтори ше приватизує, а котри ше опредзеля напущиц роботне место. З оглядом же Аґенция за приватизацию розписала явну поволанку за приватизацию „Радио Шиду”, у хторим ше 25 заняти до пондзелку маю опредзелїц чи останю далєй робиц, лєбо ше опредзеля за єдну з трох законских можлївосцох и напущиц подприємство з одпремнїну.
После того, о социялней програми ше маю вияшнїц Надпатраюци одбор „Радио Шиду”, синдикална орґанизация, як и Национална служба за обезпечованє роботи (НСЗ) , а як за Рутенпрес виявела совитнїца у НСЗ и предсидателька Тиму за виробок социялней програми у ЯП „Радио Шид” Наташа Цвєткович, документ потим будзе послати до Министерства за роботу, хторе да конєчне потвердзенє социялней програми.
Предаванє „Радио Шиду”, чий стоодстотни власнїк Општина Шид, Аґенция за приватизацию обявела 30. юния, а початна цена иста як и оценєта вредносц капиталу – 6 928 еври.