БЕОҐРАД – Министер просвити, науки и технолоґийного розвою Срдян Вербич виявел вчера же треба окончиц реформу шицких предметох, нє лєм гражданского воспитаня и веронауки.
– Мушиме мац оцену ефектох за шицки предмети, починаюци од математики. Зоз математики учиме вельо вецей як з гражданского, лєбо веронауки и ту нам тиж важне знац ефекти ученя, та видзиц чи дацо треба меняц – гварел Вербич.
Резултати реформи би мали буц обрацанє уоваги на цилї образованя и резултати поєдинєчних предметох, гварел Вербич и додал же на основи того треба формовац становиско цо и як робиц далєй.
Визначел же фахова явносц муши дац думанє, алє нє мож обчековац же єднократна анализа укаже яки ефекти предметох.