СЕРБИЯ – Модернизованя дружтва нєт без уключованя женох, а родна ровноправносц на хасен и хлопом и женом, визначели фаховци дружтвених наукох на медзинародним сходзе з тему „Родна ровноправносц на локалним уровню“.
У валалох у Сербиї на жени ше патри лєм як на роботну моц, цо погришне и прето нє чудую вше частейши миґрациї з валалох до городох, гварела социолоґ Марин Хюсон и наглашела же кед жадаме робиц на розвою валалох, треба розвивац родну ровноправносц.
Спред Влади Сербиї на сходзе бешедовала Ясна Вуячич з Координацийного цела за родну ровноправносц и наведла же у 2015. року приоритети того цела буду економске змоцньованє женох и програма процив насилства.
Тот сход, та и програму „Родна ровноправносц на локалним уровню“, запровадзує Стаємна конференция городох и општинох у сотруднїцтве зоз Шведску асоцияцию локалних власцох и реґионох.