Треца Наукова конференция наших младих науковцох и фаховцох

автор цен
1.4k Опатрене

НОВИ САД – На новосадским Филозофским факултету всоботу, 21. мая отримана Треца Наукова конференция младих науковцох и фаховцох, на хторей представени роботи з линґвистики, литератури, историї, ґеоґрафиї и антрополоґиї. Попри младих з наших местох, на Конференциї участвовали и двойо студенти з иножемства – з Япону и Словацкей.

З рижнима темами вязанима за Руснацох свойо роботи виожели ма (мастер) Александер Мудри, Марина Сакач, ма Моника Абодї, Ася Папуґа, Михаїл Римар, Катарина Петрусова, ма Канаме Окано, ма Ана Римар, Марина Биркаш, ма Саша Сабадош, а у Зборнїку з Трецей Науковей конференциї буду публиковани и роботи ма Сенки Надь и ма Маї Зазуляк.

На Науковей конференциї присуствовали и шеф Одсеку за русинистику др Янко Рамач, котри ю и отворел, як и його заменїк, др Михайло Фейса.

Наукову конференцию наших младих науковцох и фаховцох ше отримує кажди други рок, а на тогорочней участвовали закончени, лєбо студенти зоз шицких трох уровньох студираня – з основних, мастер и докторских студийох. После каждого викладаня була дискусия.

Як и з перших двох, шицки роботи з Трецей Конференциї буду обявени у окремним Зборнїку, у першей половки идуцого року.

ПОВЯЗАНИ ТЕКСТИ