КОЦУР – У другим колє Подручней лиґи Суботица коцурски ФК „Искра“ госцовал у Нєґошеве, дзе прешлого року змаганє закончене зоз инцидентом на котрим єдному бавячови Искри поламани нос. Тогорочне змаганє закончене без инциденту, а домашнї „Пролетер“ зазначел три боди, понеже победзел зоз 4:3.
Ґоли за „Искру“ на тим змаганю дали Боґдан Сталевич, Марян Малацко и Милан Пєшивац.
У шлїдуюцим колє Искра у Коцуре будзе бавиц процив Обилича зоз Нового Кнежевца, єдиней екипи котра у перших двох колох победзела на обидвох змаганьох и хвильково є лидер на таблїчки.