Потребне:
200 ґр фета сира
50 ґр пармезану лєбо траписту,
вайцо
5 ценки скорки за рейтеши,
ложка менти,
соль,
попер,
50 ґр масла.
Так треба приготовиц:
Фета сир розмишац у судзини зоз видлїчку. Додац натарти сир, вимутькане вайцо, пошекану менту, соль и попер и шицко добре вимишац.
Скорки треба поскладац єдну прейґ другей, и порезац их на траки широки коло 5 цм. Кажду траку треба намасциц зоз розпущеним маслом и на єден конєц положиц ложку розправеного сира. Скорку преклопиц по дияґонали, а вец по боку квадрата. Вец знова по дияґонали, по боку квадрата и так по конєц траки. Треба же би випаднул троугельнїк. Троугельнїки класц до подмасценей тепши и печиц у цеплей релни коло 20 минути на 180 ступнї.