РУСКИ КЕРЕСТУР – Управни одбор (УО) Руского народного театру (РНТ) „Петро Ризнич Дядя” нєшка будзе одлучовац о витвореню ище єдней представи у тим року.
Витворенє и другей представи у тим року у нашим националним театру оможлївене дзекуюци сновательови – Националному совиту Руснацох – хтори з ребалансом свойого буджету всоботу опредзелєл средства за ищє єден проєкт Театру.
Покраїнски орґани, як главни финансиєр РНТ, пре общи мири шпорованя у держави, у тим року Театру обезпечели средства лєм за єден проєкт, место за два, як було дотераз.
Нєшкайша схадзка УО РНТ „Петро Ризнич Дядя” будзе на 12 г. у просторийох керестурского Дому култури.