БЕОҐРАД – З початком того рока почало применьованє Правилнїку по хторим допущени уровень афлатоксину у млєку виноши до 0,05 микроґрами (мкґр)по килограме, место дотерашнїх 0,25 мкґр.
Допущени уровень афлатоксину у млєку тераз будзе по стандардох ЕУ, яки бул по єшень 2012. року и тедишню аферу з афлатоксином. Сербия теди мала огранїченє афлатоксину до 0,05 мкґр, алє пре його звекшанє у кукурици, Влада Сербиї допущени уровень афлатоксину теди дзвигла на 0,5 мкґр по килограме.
Правилнїк, хтори принєшени 1. юлия 2014. року, предвидзовал врацанє уровню афлатоксинуа на европски стандарди, алє же би продукователє мали часу за прилагодзованє продукциї ґу европским стандардом, Влада Сербиї одредзела дочасову гранїцу од 0,25 мкґр по килограме, хтора престала важиц 1. януара 2015. року.