СУБОТИЦА – На основи його терашнього стану, тогорочни штреднї урожай жита будзе на уровню пршлорочного, односно коло штири тони по гектаре, виявел руководитель Оддзелєня за посцернянково жита новосадского Институту за польодїлство и заградкарство Никола Христов.
Христов на Дню польох жита у Суботици гварел же нє шицки поверхносци под житом випатраю добре, цо резултат терминох у хторих су пошати, та жито пошате нє у оптималним чаше, пре суху яр, преридзенше и да слабши урожай.
На другим боку, як гварел, жито и ярец пошати у оптималних терминох за шатву, з потребнима аґротехнїчнима мирами, випатраю добре и мож обчековац и добри резултати.
– По оценох компетентних орґанох, коло половка шацох пошата у за нїх оптималним чаше, а половка нє, та прето можеме обчековац подобни род жита як и влонї – гварел Христов и додал же перши одкоси ярцу спадню уж идуцого викенду, а жита у трецей декади юния, но то завиши и од хвилї.