ДЮРДЬОВ – Всоботу, 19. марца, з роботну акцию попораєни простор у парохийним дворе у грекокатолїцкей церкви Рождества Пресвятей Богородици у Дюрдьове, а започате и ушорйованє дражки опрез церкви.
Роботна акция на ушореню простору коло церкви почала штредком прешлого тижня, закончена є всоботу, кеди склонєни порезани стебла и конари порезаних древох, а на тим месце буду посадзени други древа.
Всоботу почало и ушорйованє дражки на главней улїци опрез парохийного дому и церкви. Виняти стари бехатонски цегли и почало поставянє подлоги за нови бехатон.
Учашнїкох на роботней акциї – членох Церковного одбру и других заинтересованих, всоботу у Дюрдьове нащивел и предсидатель Општини Жабель Чедомир Божич. Вибудов дражки опрез парохиї и церкви финансує Општина Жабель, а роби фирма „Булидинґ-ас” з Чуроґу.
