НОВИ САД – Векши ступень безпечносци школярох була причина за акцию „Школарац“, хтора реализована прешлого тижня у обласцох коло шицких школох у Новим Садзе и на местох дзе ше часто збуваю виновни дїла. Новосадска полиция од пейц особох вжала три „боксери“, два ножи, а при 17 особох нашла рижни файти дроґи, як цо то кокаин, героин, марихуана, амфетамини и друге.
У акциї полиция пренашла и три особи за котрима були розписани оглашки о лапаню, а одкрити ище два потупеня Закона о безпечносци.
Пре одкриванє и зоперанє виновних дїлох и векшу безпечносц, препатрени вецей превозки и особи. Процив особох при котрих утвердзене же нєовласцено мали наркотики буду поднєшени виновни прияви, а процив особох котри мали ножи и „боксери“ буду поднєшени вимоги за порушованє потупного поступку, наведзене у сообщеню новосадскей полициї.