БЕОҐРАД – Внєдзелю, 1. децембра , после вечаршей Служби Божей, у просторийох церкви Криста Краля у Беоґрадзе, отримане нове стретнуце вирних грекокатолїцкей заєднїци парохиї св. Кирила и Методия, як часц проєкту „Беоґрад – нови глашнїк Руснацох у културним просторе Сербиї и Европи” хтори часточно финансує Завод за културу войводянских Руснацох.
У програми о окреме значних людзох у нашим народзе бешедовал др Яким Стрибер. Насампредз, вон представел нашого познатого спортисту Яшу Бакова, найпознатшого физичара з тих просоторох Федора Гербута и шветово познатого уметнїка поп-арту Енди Ворголу.
У другей часци стретнуца домашнї парох о. Владислав Варґа представел праве видруковане Святе Писмо по руски, а представел и Руски християнски календар за 2020. рок. Вон у викладаню спомнул два вельки рочнїц – 25-рочнїцу виходзеня Християнского часопису „Дзвони” и 25-рочнїцу нашого грекокатолїцкого Каритасу.
Домашнї и госци потим предлужели друженє и порадзели ше о новим стретнуцу за Св. Миколая.
