ВЕРБАС – У КПД „Карпати” у Вербаше нєшка, 21. мая, будзе отримани Шести Хорски фестивал „Карпати”.
На Фестивалє участвую домашнї Хор КПД „Карпати”, Хор Дому култури Руски Керестур и Катедралней церкви св. о. Миколая, Хор „Гармония” з Нового Саду, „Русински зарї” зоз Сримскей Митровици и Хор „Розанов” з Дюрдьова.
Госци на Фестивалє буду Хор „Бачки шпиваче” з Вербасу и Хор „Алпе Адриа” з Удинох, з Италиї. (Госци з Италиї на ютре у Руским Керестуре буду шпивац Службу Божу у Катедралней церкви).
Фестивал у просторийох „Карпатох” почнє на 19 годзин, а будзе отримани з потримовку Националного совиту Руснацох, Општини Вербас, Покраїнского секретарияту за културу и явне информованє и Покраїнского секретерияту за образованє, управу и национални меншини-заєднїци.