ЧАКОВЦИ/МИКЛОШЕВЦИ – На подручу Републики Горватскей вчера бул перши наставни дзень за школярох основних и штреднїх школох.
По податкох з Основней школи „Чаковци” того школского року од першей по осму класу уписани лєм 85 школяре. Факултативне виучованє мадярского язика провадза тринацецеро школяре – шейсцеро у нїзших, и седмеро у висших класох.
У Подручней школи у Миклошевцох у порядней настави єст 12 школярох, а до першей класи ходзи єден школяр. На факултативне виучованє руского язика, при учительки Лесї Мудри, буду ходзиц дзевецеро школяре од першей по штварту и пецеро у висших класох.
У основних и штреднїх школох у цалей держави єст коло 490 тисячи школярох, цо за 5 тисячи менєй як влонї.