У дванастим тогорочним „Руским слове”

автор ядю
784 Опатрене

НОВИ САД – „Тижньовнїк” у тогорочним дванастим чишлє новинох „Руске слово” пише о конєчним розришеню крадзи пенєжу з Националного совиту 2008. року, а ту и вистка о отвераню новей Подручней канцелариї Националного совиту Руснацох у Сримскей Митровици.

„Нашо места” информую о акциї ушорйованя желєних поверхносцох у Шидзе, о бриґох з воду за пице у Соту и о ришованю проблему вербаскей городскей депониї. На тих бокох и информация о едукативней трибини о раку першох у Дюрдьове, а на „Економиї” новини понукаю совити фаховца мр Дюру Надя о тим як треба пририхтац жем за шатву.

На бокох „Култури и просвити” тема култура и политика при Руснацох у Сербиї, а ту и информациї о „Енциклопедиї сучасней України”, та звити з промоциї кнїжки „Попатрунок” Зденка Лазора и зоз схадзки Управного одбору КУД „Жатва” у Коцуре. На тих бокох зазначени и успих наших рецитаторох на Зонскей смотри, як и перша наява тогорочного Драмского мемориялу Петра Ризнича Дядї.

„Духовни живот” пише о здогадованю парохиянох у Сримскей Митровици на свойого покойного пароха о. Зиновия Вовка и о означованю ювилейох и Дня провинциї монахиньох у Руским Керестуре.

Рубрика „Людзе, роки, живот” упознава читачох з Меланию Малацкову з Керестура, котрей гоби писанє писанкох, а у тей рубрики новини предлужую фельтон Дюру Латяка о двох ювилейох нашей Установи – 70 рокох „Руского слова” и 90 рокох „Руских новинох”.

„Спорт” вецей пише о стретнуцу керестурских и коцурских фодбалерох-ветеранох у Коцуре, о початку тогорочних Спортских бавискох „Яша Баков” у Дюрдьове, як и о успиху каратистох керестурского „Русину”. Як додаток вишло „Литературне слово”.

ПОВЯЗАНИ ТЕКСТИ