У Дюрдьове на ютре виберанки за Совит Месней заєднїци

автор сас
1.2k Опатрене

ДЮРДЬОВ – На нєдзелю, 7. авґуста, у шицких штирох местох жабельскей општини буду отримани виберанки за совити месних заєднїцох (МЗ), а Дюрдьовчанє до Совиту МЗ буду виберац 11 членох.

На виберанки за Совит приявена лєм єдна лїстина – „За напредни Дюрдьов” Сербскей напредней странки, на хторей 11 кандидати, кельо ше и вибера до Совиту МЗ Дюрдьов.

Кандидати за члернох Совиту МЗ Дюрдьов Велимирка Ачимов (1958) матурант ґимназиї, Саня Дьоґо (1971) мср фармациї, Владо Кухар (1967) дипл. инж. польопривреди, Драґан Миланович (1973) поднїматель, Иван Михайловски (1995) студент, Душко Михелц (1963) др ветерини, Мирко Тривунович (1976) поднїматель, Мария Тртич (1965), проф. класней настави, Желько Чович (1985) тарґовец, Душанка Джамбас (1968) дипл. инж. польопривреди и Нерима Шовлянски (1987) дипл. инж. польопривреди.

Гласац ше будзе у будинку дюрдьовскей Основней школи.

ПОВЯЗАНИ ТЕКСТИ