У Дюрдьове премиєра дзецинскей представи 

автор бас
1.4k Опатрене

ДЮРДЬОВ – Дзецинска драмска секция дюрдьовского КУД „Тарас Шевченко” вчера, 10. априла, премиєрно виведла представу „Нєлапшни шаркань” Мирослава Настасиєвича, у режиї Якима Чапка.

Тема представи любов єдного нїжного шарканя, його знаходлївосц и борба за красну принцезу, котра го на концу прилапела на товаришски способ, а вон подзековно прилапел таку любов.

У представи ґлумя Иван Хромиш, Єлена Мудри, Иван Скубан, Лука Кухар, Мария Горняк, Желяна Такач, Милица Михальовски, Аня Хромиш, Елеонаора Винаї, Сима Михальовски и Мирослав Марянов.

Текст на руски язик преложела Блаженка Хома Цветкович, а за сценоґрафию, костими, музику и шветло остарали ше члени Управного одбору Дружтва.

Витворенє дзецинскей представи финансийно потримала и Општина Жабель.

ПОВЯЗАНИ ТЕКСТИ