ДЮРДЬОВ – Вчера вечар у спортскей сали ОШ „Йован Йованович Змай” у Дюрдьове отримани порядни рукометни тренинґ дзивчатох од першей по осму класу ОШ у рамикох безплатней школи Рукометного клубу ЖСК зоз Жаблю, а котри ше приявели на конкурс концом фебрура.
Тренинґи водзи професор физичней култури Зоран Боснич, а найлєпши медзи тима цо тренираю познєйше буду послати до першого тиму спомнутого клубу.
Безплатна школа рукомету пред мешацом почала у Дюрдьове и у Чуроґу, у Жаблю є порядна длугши час, а у Ґосподїнцох почнє док годно тренирац на отвореним.
Места ище єст, так же на тренинґи пондзелками (на 20 г.) и соботами (на 10 г.) можу пойсц шицки заинтересовани основношколки.
Орґанизаторе Школи рукомету Спортски союз Општини Жабель, ОШ „Йован Йованович Змай” и РК ЖСК, а проєкт потримал Покраїнски секретарият за младеж и спорт.