ДЮРДЬОВ – У дюрдьовским хотаре жатва жита почала початком прешлого тижня, а по конєц истого є и закончена. Того року було незапаметано мало поверхносци под житом, та обачлїве вельке поглєдованє за сламу з боку статкарох.
Урожаї добри и штреднє були од 30 до понад 40 метери по гольту, з барз добрим квалитетом зарна. Жито у Дюрдьове придаване на 4 одкупних местох, алє ище анї єдно нє вишло з конєчну цену тогорочного роду.
Фаховци гваря же того року будземе єсц здрави хлєб, понеже хороти нє нападали жито и третированє з хемийнима средствами було минималне.