У Жаблю отворени Ромски привредни центер Войводини

автор сен
794 Опатрене

ЖАБЕЛЬ – Вчера, 24. септембра, у Жаблю отворени Ромски привредни центер Войводини, хторому дїялносц зазберованє секундарних сировинох и рециклованє пластики. За тераз у Центре буду робиц пейцме роботнїки, а плановане же до конца рока ту буду заняти 30 особи.

Ромски привредни центер отворел предсидатель Покраїнскей влади Боян Пайтич, котри з тей нагоди гварел же таки проєкт добри приклад социялного поднїмательства, хтори допринєше економскому змоцньованю Ромох.

– Коло трецина Ромох ше занїма зоз зазберованьом и преробком секундарних сировинох. Центер оможлїви систематизованє тей дїялносци, а Роми котри ше з тим занїмаю можу заробиц и витримовац свойо фамелиї – гварел з тей нагоди Пайтич.

5-Zabelj-02

Проєкт Ромски привредни центер финансовала Фондация за отворене дружтво зоз Швайцарскей, а реализовала го општина Жабель, у сотруднїцтве з покраїнску Канцеларию за инклузию Ромох.

ПОВЯЗАНИ ТЕКСТИ