ЖАБЕЛЬ – Прешлого тижня у Жаблю опрез основней школи хтора ше находзи у центре городу, на крижаню двох драгох поставени два нови семафори, з обидвох бокох драги.
Семафори робя на прицисканє тастеру, так же ше активує желєнє швєтло за пешакох.
По словох директора ЯКП „Розвой” Милоша Шовлянскового, вредносц тих роботох була 5 милиони 300 000 динари, з чого Покраїнска влада видвоєла 3 милиони, а остаток обезбечени з наплацованя карох при судийови за потупеня.