РУСКИ КЕРЕСТУР – На ютре, на Перши дзень Крачуна по григориянским календаре, пред Вельку Архиєрейску Службу Божу, преосвящени владика Георгий Джуджар шветочно отвори Рок милосердия – Святи рок.
Владика, у присустве вирних, отвори главни дзвери нашей Катедралней церкви св. оца Миколая у Руским Керестуре и на таки способ символично отвори Рок милосердия – як єден нови период хтори почал у цалим швеце.
Рок милосердия 8. децембра того року шветочно отворел папа Франциско у базилики св. Петра у Риме, а по його жаданю, Святи рок 13. децембра отворени у катедралох по цалим швеце.
Папа з отвераньом Року милосердия поволал шицких вирних же би зробели крочай нукашнього обраценя и покаяня. Вон тото искуство понукнул шицким християном, припаднїкох других релиґийох, як и тим котри нє веря, же би з нукашню пременку допринєсли лєпшому швету.