РУСКИ КЕРЕСТУР – Того викенду, од 2. по 4. септембер, у Старей школи у Руским Керестуре отримани проєкциї филмох рижних жанрох, у орґанизациї младежи зоз Здруженя „Пакт рутенорум“.
Пияток ше патрело комедию „Grimsby brothers“, соботу на репертоару була драма „Shutter island“, a нєдзелю анимирани филм „Secret life of pets“ и шицки три днї були барз добре нащивени.
Филмски вечар млади того лєта уж орґанизовали на керестурским базену, медзитим, тераз було вельо векше одволанє. У публики були углавним дзеци и млади, а полни трибини шведоча о потреби за орґанизованьом подобних забавних змистох.
