У Керестуре нєшка почина Вельконоцни пост

автор маф
713 Опатрене

РУСКИ КЕРЕСТУР – У парохиї Св. оца Миколая у Руским Керестуре, хтора ше ровна  по григориянским календаре, нєшка почина Вельконоцни пост – штерацецдньови период пред шветом Пасхи, хтора по новим календаре того року будзе 27. марца.

Вельки пост за вирних период духовного преглїбйованя през рижни одреканя и интензивованє духовного живота, та и период забранєни за свадзби и явни вешеля. Нєшка, на перши дзень Велького посту и строги пост у єдзеню, а стреду и пияток ше посци побило.

У Вельким посце стреду и пияток на 17 годзин у Катедралней церкви буду и Преждеосвящени Служби Божо, специфични за тот период.

ПОВЯЗАНИ ТЕКСТИ