РУСКИ КЕРЕСТУР – Упис до першей класи ОШ „Петро Кузмяк” у Руским Керестуре будзе 12. и 13. мая, а исти днї упис будзе и до дзецинскей заградки, односно керестурского Оддзелєня „Цицибан” ПУ „Бамби”.
До школи до першей класи би ше, за тераз, мали уписац 43-йо дзеци котри закончую обовязну Пририхтуюцу предшколску програму у керестурскей дзецинскей заградки.
До першей класи ше уписує дзеци народзени од марца 2009. по фебруар 2010. року, а з документох за упис потребне кресцене писмо, лїкарске потвердзенє, потвердзенє о законченей предшколскей програми, а треба виполнїц и уписни формулари.
По початок упису, педагогийна Служба Школи „Петро Куямяк” окончи и тестованє дзецох о їх дозретосци за школу, цо будзе окончене у обєкту дзецинскей заградки.