РУСКИ КЕРЕСТУР – У керестурскей парохиї св. оца Миколая, хтора ше ровна по григориянским календаре, нєшка почина Вельконоцни вельки пост – штерацецдньови период пред Пасху, хтора будзе 5. априла.
У тим чаше Церква и вирни ше пририхтую за єдно з найвекших християнских шветох – Вельку ноц (Пасху), з хтору ше преславює Воскресенє Исуса Христа.
У Вельким посце вирни ше духовно преглїбюю, чому доприноши и физични пост у єдзеню и явних вешельох и свадзбох.
Наша Грекокатолїцка церква строго посциц наклада нєшка, на Перши дзень Велького посту, як и на Вельки пияток. Стредами и пиятками наклада посциц „на било”, а гевти днї по власним виборе вирних.
У Вельким посце стредами и пиятками, вечар на 17 годзин, у церкви ше служи Преждеосвящени Служби Божо.