КОЦУР – Велька ноц у Коцуре означена з богослуженями, пошвецаньом кошаркох з пасхалним єдзеньом у порти грекокатолїцкей церкви Успения пресвятей Богородици, Вельконоцну виставу, як и мированьом на Други дзень Велькей ноци.
Служби през днї швета служели парох коцурски о. Владислав Рац, о. Яков Кулич, о. Яков Новак, а на Перши дзень Велькей ноци и о. Михайло Шанта, капелан у Руским Керестуре. Гоч грожел диждж, пошвецанє кошаркох заш лєм отримане у церковней порти, у хторей з тей нагоди було вельке число парохиянох.
На Други дзень Велькей ноци Коцурци ше у службох могли мировац, а у Вечаршей Служби присутних мировал и владика, кир Георгий Джуджар, вєдно з домашнїма священїками.
Пре подлу хвилю, На Други и Треци дзень Велькей ноци по валалє нє було вельо облївачох, алє найупартейших анї диждж нє зопар у пестованю тей традициї.