КОЦУР – На коцурским пияцу нєшка од 8 до 12 годзин будзе отримане „Ярнє розпредаванє половних стварох”, хторе по угладзе на ґаражни и улїчни предаваня половних стварох у заходних державох, у Коцуре порушала Емилия Чизмар.
На „Ярнє розпредаванє половних стварох” кажде може принєсц ствари хтори му дома вецей нє потребни и предац их по символичних ценох, а заинтересовани найду дацо за себе.
Предаванє будзе мац и гуманитарни характер, понеже заробок з предаваня облєчива на єдней з тезґох наменєни за лїченє єдней анонимней особи.
Облєчиво и бависка хтори ше нє попреда – годно зохабиц, та познєйше буду подаровани людзом котрим то потребне.