КУЛА – У кулскей парохиї священомученїка Йосафата внєдзелю преславене храмове швето Кирбай, пре епидемийну ситуацию у дакус иншаким випатрунку и у присустве меншого числа вирних.
Кирбайску шветочну Литурґию предводзел о. Владислав Рац, декан и парох коцурски котри и наказовал о значеню живота и мученїческей шмерци св. Йосафата, а сослужел новосадски парох о. Юлиян Рац.
Домашнї капелан о. Платон Салак ЧСВВ споведал, а парох о. Дамян Кича привитал шицких присутних. Апостол читал и шпиванє водзел новосадски дзияк Йовґен Надь вєдно зоз шестрами служебнїцами.
На Литурґиї було вельо менєй вирних и госцох як по други роки, а нє бул анї кирбайски одпустови обход коло церкви. Служба Божа була и на 8 годзин рано.
