СРИМСКА МИТРОВИЦА – Под мотом „обновме нашу церкву”, парох у Сримскей Митровици о. Владислав Варга вчера служел Службу Божу з окремну молитву „Приволованє помоци, благодати и дару пресвятого Духа на початку каждого доброго дїла“, а пред початком оправяня закрица на грекокатолїцкей церкви у тим городзе. Окрем числених вирних, на молитви участвовали и дзешецеро дзеци.
Храм у хторим тераз грекокатолїки у Митровици збудовани 1906. року, а остатнї три роки церква премака под час каждого велького дижджу. Пред двома роками виробени комплетни проєкт за санацию церкви, а средства за першу фазу обезпечени од организациї „Церкви у потреби“ з Нємецкей.
Тераз тирва и акция збераня добродзечних прилогох од вирних и людзох добрей дзеки за тоту намену.