ЗОМБОР – Портал Наше место тих дньох обявел список фодбалских клубох хтори ше буду змагац у новей Подручней лиґи Зомбор, а медзи нїма и ФК Русин з Руского Керестура.
У Подручней лиґи Зомбор ше буду змагац 16 клуби – ЖАК и Шикара зоз Зомбора, Полет зоз Сивцу, Липар з Липару, Русин з Керестура, БСК з Бачкого Брестовцу, Младосц з Крущичу, Тереквеш зоз Свилоєва, Борец з Бачкого Ґрачцу, Гайдук юниор з Кули, Кридла Країни и Стари Город з Бачкей Паланки, Младосц з Бачкого Петровцу, Герцеґовец з Ґайдобри, Будучносц з Младенова и Славия з Пиньвиц.
Кед же даєден зоз спомнутих клубох одустанє од змаганя у тей лиґи пре векши трошки путованя и орґанизованя змаганьох, його можлїва замена будзе ФК Кула.