ЖАБЕЛЬ – Општинска виберанкован комисия додзелєла мандати одборнїком за нови состав Скупштини општини Жабель, после локалних виберанкох 24. априла. Медзи 31 одборнїком буду и пецеро з Дюрдьова.
Найвецей, 13 одборнїцки места у СО Жабель ма Сербска напредна странка, а медзи нїма з Дюрдьова Радован Чолич (будовательни технїчар, 1968), Душанка Джамбас (дипл. инж. польопривреди, 1968) и Милица Виславски (пензионер, 1955).
Ґрупа гражданох „Чедомир Божич-Наша општина Жабель” ма 9 одборнїкох, дзе и Сандра Станкович (дипл. инж. защити рошлїнох, 1989) з Дюрдьова, а медзи трома одборнїками Лиґи сoциялдемократох Войводини з Дюрдьова Владимир Балоґ (машински технїчар,1961).
У новим зволаню СО Жабель буду тринац одборнїки зоз Жаблю, дзешец з Чуроґу, пейц з Дюрдьова и три з Ґосподїнцох.