У новим „Руским слове”

автор ядю
945 Опатрене

НОВИ САД – У тогорочним двацец осмим чишлє новинох „Руске слово” рубрика „Тижньовнїк”, окрем о предлуженю нащиви делеґациї Националного совиту його подручним канцеларийом, пише и о цени жеми у хотарох у наших местох.

Боки „Нашо места” приноша вистки зоз Шиду, Руского Керестура, Коцура и других местох, а „Економия” пише о косидби жита, дзе и оцена польопривреднїкох о тогорочней жатви и урожайох.

„Култура и просвита” на своїх бокох обсяжнєйше преноши атмосферу з Фестивалу „Коцурска жатва 2015”, а ту и звит з першей порядней схадзки Одбору за образованє Националного совиту Руснацох у тим зволаню.

„Людзе, роки, живот” читачом представяю Весну Кесич Крсманович, дириґентку новосадского Хору „Гармония” и коцурского ципелара Владимира Бесерминя.

„Духовни живот”, медзи иншим, пише о преслави Кирбаю у новосадскей парохиї, а „Мозаїк” о нєдавно законченим „Еґзиту”.

„Спорт” читачох упознава з державну шампионку у плїваню и ґуґланю за цемних и слабовидих Мару Горнякову з Коцура, а ту призначена и подїя на хторей Антония Монар и Иван Будински з Керестура достали награди од Фондациї Драґица Николич за високи успихи у атлетики.

 

ПОВЯЗАНИ ТЕКСТИ