У новим „Руским слове”

автор ядю
872 Опатрене

НОВИ САД – У тогорочним трицец трецим чишлє новинох „Руске слово” рубрика „Тижньовнїк”, медзи иншим, виглєдує як ше рециклує шмеце у наших штредкох, а ту и напис о Кампу толеранциї у Бачкей Тополї.

Рубрика „Нашо места” приноши вистки о комуналних роботох у Коцуре дзе означени и Дзень младих, а виглєдуєме и як випатра робота вивершительох. Ту и вистка о початку Волонтерского кампу у Руским Керестуре.

Рубрики „Економия”, „Култура и просвита” и „Спорт” на своїх бокох пишу о тим як прешла керестурска Манифестация „Днї керестурскей паприґи”.

У рубрики „Култура и просвита” анализуєме визуални и естетски дожица нашей култури, а информуєме и о пририхтованю учебнїкох по руски за нови школски рок. Наявюєме и Фестивал жридлового шпиваня „Най ше нє забудзе” у Дюрдьове.

На бокох рубрики „Духовни живот” наявюєме преславу 250-рочнїци грекокатолїцкей церкви у Коцуре, док „Мозаїк” зазначел госцованє Шпивацкей ґрупи КПД „Дюра Киш” зоз Шиду у телевизийней емисиї „Шлївик” и проєкт „Go4Peace” у Нємецкей на хторим участвовали и млади Руснаци.

Рубрика „Людзе, роки, живот” упознава читачох зоз дакедишнїм музичарох з Дюрдьова Михалом Бесерминьом, а на „Спорту” пишеме о турниру у одбойки на писку на Паличу у рамикох Спортских бавискох „Яша Баков”.

Як додаток вишло „Руске слово у швеце”.

 

ПОВЯЗАНИ ТЕКСТИ