НОВИ САД – У найновшим чишлє новинох „Руске слово”, котре вишло як двочисло, у рубрики „Тижньовнїк” пише о схадзки Роботного цела за младих котра отримана у Коцуре, док „Нашо места” даваю вистки зоз скоро шицких наших општинох информуюци о найважнєйших подїйох.
„Економия” у тим чишлє представя Сабину Сабадош Ром хтора прави аранжмани за єдзенє, а „Култура и просвита” понука звит зоз Вельконоцного концерта КУД „Тарас Шевченко” у Дюрдьове, а ту и актуалносци зоз наших школох.
„Мозаїк” пошвецени наяви Пиятей науковей конференциї младих фаховцох и науковцох, а на бокох рубрики „Людзе, роки, живот” представена млада фамелия Нярадийових з Руского Керестура.
„Духовни живот” пише о тим як преславена Велька ноц у наших парохийох хтори ше ровнаю по юлиянским календаре.
На „Спорту” дознаваме о резултатох наших фодбалских клубох у своїх подручних лиґох, о резултатох керестурских атлетичарох на Окружним змаганю у Зомборе, а на концу новинох находзи ше рубрика з рецептами „Горуци тепши”.
Як додаток вишло „Руске слово у швеце”.