НОВИ САД – У тоготижньовим двочишлє новинох „Руске слово”, рубрика „Тижньовнїк” пише о приватизациї локалних медийох, алє и о нових проблемох з применьованьом Плану реорґанизациї у „АБЦ Фуд” у Руским Керестуре.
Рубрика „Нашо места” зазначела як прешла роботня о розвою туризму у Руским Керестуре, а „Економия” пише о пестованю присмачкох и совитованю о заградкарстве, на хторим були и керестурски паприґаре.
Боки „Култури и просвити” информую о Културней манифестациї „Днї Миколи М. Кочиша” по наших местох и концерту з нагоди Дня ошлєбодзеня Бикичу, док рубрика „Людзе, роки, живот” пише о проблемох у руским школстве.
„Духовни живот” у знаку Нєдзелї Каритасу, а ту и тема о християнстве и (само)довирию.
„Спорт” пише о Рочней скупштини Спортских бавискох ”Яша Баков” у Вербаше, як и о Скупштини Атлетского клубу „Русин”, на хторей за найлєпшу атлетичарку у тим року преглашена Кристина Катона. Як додаток вишло „Литературне слово”.
Концом того рока будзе обявене и специялне число „Руского слово” – шветочне и на вецей бокох.