У новим „Руским слове”

автор бхц
701 Опатрене

НОВИ САД – У тогорочним трицец дзевятим чишлє новинох „Руске слово” рубрика „Тижньовнїк” пише о становискох и меншинских правох о хторих делеґация Европского парламенту бешедовала з представителями Координациї националних совитох, як и о нащиви делеґациї НС Руснацох дакедишньому Керестуру у Словацкей. На тих бокох и текст о Штвартим Медзинародним конґресу русинского язика у Прешове.

У рубрики „Нашо места” читаче вецей дознаю о року роботи Ерсте банки у Керестуре, о новим Каритасовим проєкту, о тим як ше у жабельскей општини до лїкох доходзи прейґ телефона, та о прекопованю яркох у Керестуре.

На бокох „Економиї” мож пречитац о пошлїдкох завераня гранїцох пре вельке число вибеженцох з Азиї и о продукциї олєйового репченю у вербаскей општини, док боки „Култури и просвити” пишу о творчосци филмского и ТВ знїмателя Славуя Хаджича, о Руснацох на Фестивалє фолклорних традицийох Войводини, та як по наших местох означени Дзень европских язикох.

Рубрика „Людзе, роки, живот” представя младого Американца котри пришол до Коцура нащивиц свою дїдовщину, та о салашским живоце Янка Мудрия з Дюрдьова.

Рубрика „Духовни живот” пише о Каритасу и вибеженскей кризи, док у „Мозаїку” красни путопис о двох керестурских байкерох. Ту и рубрика Медзипростор.

На бокох „Спорту” прегляд зоз змаганьох у локалних лиґох, як и информация зоз схадзки Роботного цела за спорт НС, пред означованьом 25-рочнїци Спортских бавискох „Яша Баков”.

ПОВЯЗАНИ ТЕКСТИ