НОВИ САД -У тогорочним штерацец другим чишлє новинох „Руске слово” у рубрики „Тижньовнїк” зазначене представянє АП Войводини у Бриселу, а на тих бокох спатрена и терашня безпечносна ситуация у транспорту у вербаскей општини.
О тим як преславени Дзень Општини Вербас, о пририхтованьох за Централну преславу националного швета Руснацох у Кули, та о других актуалносцох зоз Шиду, Миклошевцох и Коцура пише на бокох рубрики „Нашо места”.
Окрем о єшеньских роботох у шидскей општини „Економия”, у тим чишлє пише и о искустве Керестурца Юлияна Регака у садзеню древа пауловниї.
„Култура и просвита” понука текст о кодификованю руского народного облєчива и наявює премиєру представи „Вона нє виновата” Руского народного театру „Петро Ризнич Дядя”, док „Мозаїк” приноши розгварку з кантавтором Сашом Палєнкашом.
Рубрика „Духовни живот” розпатра спокуси и нагоди вирскей настави, док рубрика „Людзе, роки, живот” пише о тортарки у Канади Дияни Колошняйовей, як и о интересантним живоце Ани Коїч зоз Шиду.
„Спорт” и у тим чишлє зазначел резултати наших фодбалских клубох у своїх змагательних лиґох, а пише и о початку роботи спортскей гали у Руским Керестуре. Як додаток вишло „Руске слово у швеце”.