У новим „Руским слове”

автор ядю
738 Опатрене

НОВИ САД – У тогорочним штерацец штвартим чишлє новинох „Руске слово” рубрика „Тижньовнїк” пише о схадзки Републичного совиту за национални меншини и урядовим гашеню ЯП за информованє „Вербас”, та о одходу медицинских роботнїкох на роботу до иножемства.

О схадзкох скупштинох општинох Шид и Кула, помоци вибеженцом у шидскей општини, о активносцох ловарох у Дюрдьове и Здруженя женох „Идея” у Кули пише на бокох рубрики „Нашо места”, док „Економия” зазначела искуства у тогорочней польодїлскей роботи Владимира Салонския з Ґосподїнцох, та у продукциї догану на шидским подручу.

На бокох „Култури и просвити”, медзи иншим, тексти о представяню наших виданьох на 60. Сайме кнїжкох у Беоґрадзе, о дарунку нашому РНТ од Яна Лазорика, як и о музично-литературним вечаре Руснацох у Сримскей Митровици.

„Мозаїк” пише о новосадскей журки за младих „Ноц босоркох”, а понука и розгварку з младу и успишну каратистку Сару Планчак з Руского Керестура.

„Людзе, роки, живот” представяю Єлену Хранилович з Осєку, а ту и напис о оглашованю и рекламованю при Руснацох у прешлосци.

Рубрика „Духовни живот” информує о законченю Каритасового Центру за слуханє „Нїтка”, як и о преслави Кирбаю у Бачинцох.

„Спорт” зазначел резултати наших фодбалских клубох, як и змаганьох у ґуґланю и штреляцтве у Вербаше у рамикох Спортских бавискох „Яша Баков”, а ту представена и робота спортскей гали у Шидзе.

ПОВЯЗАНИ ТЕКСТИ