НОВИ САД – Седме тогорочне число новинох „Руске слово”, хторе виходзи нєшка, на „Тижньовнїку” спатра як ше рестриктивни мири у финансованю култури годни одражиц на роботу наших институцийох.
„Нашо места” зазначели акцию добродзечного даваня креви у Коцуре и „Сримску винияду” у Беркасове, а ту и текст о управяню з одпадом у Руским Керестуре. Рубрика „Економия” у тим чишлє, медзи иншим, випитує чи ше парастом виплацело лаґеровац кукурицу.
„Култура и просвита” дава звит з Рочней скупштини кулского РКУД, понука розгварку з Даниєлу Тамаш, котра нєдавно докторовала у обласци олиґофренолоґиї, а рубрика „Духовни живот” анализує одгуки стретнуца папи и русийского патриярха.
У рубрики „Людзе, роки, живот” понукнути текст о галасови Любомирови Чапкови з Руского Керестура, док „Спорт” пише о финансованю наших спортских клубох и турниру у шаху у Керестуре.
Як додаток вишол „Дом и фамелия”, пошвецени малиґним хоротом, а у нїм и нова „Женоблоґия”.